ഭീം ആര്‍മി നേതാവ് ചന്ദ്രശേഖര്‍ ആസാദിന് വെടിയേറ്റു. ഉത്തര്‍പ്രദേശിലെ സഹറന്‍പൂരില്‍ വച്ചാണ് ആക്രമണമുണ്ടായത്. കാറില്‍ സഞ്ചരിക്കവേയാണ് ആസാദിനു നേരെ അജ്ഞാതര്‍ വെടുയുതിര്‍ത്തത്. ചന്ദ്രശേഖറിന്റെ കാറിന്റെ വിന്‍ഡോ വെടിവെപ്പില്‍ തകര്‍ന്നു. ഉടന്‍ തന്നെ അദ്ദേഹത്തെ സമീപത്തെ ആശുപത്രിയിലേക്ക് മാറ്റി.
ചന്ദ്രശേഖര്‍ അപകടനില തരണം ചെയ്തതായി ആശുപത്രി അധികൃതര്‍ അറിയിച്ചു. ബഹുജന്‍ മിഷന്‍ മൂവ്‌മെന്റുമായി ബന്ധപ്പെട്ട ഒരു പൊതുപരിപാടിയില്‍ പങ്കെടുക്കാന്‍ എത്തിയപ്പോഴാണ് ഇന്ന് ഉച്ചയോടെ ആക്രമണം ഉണ്ടായത്.