ന്യൂഡല്‍ഹി: രാഹുല്‍ ഗാന്ധി നയിക്കുന്ന ഭാരത് ജോഡോ യാത്രയില്‍ പങ്കെടുത്ത് റിസര്‍വ് ബാങ്ക് ഓഫ് ഇന്ത്യ (ആര്‍ബിഐ) യുടെ മുന്‍ ഗവര്‍ണര്‍ രഘുറാം രാജന്‍. ഇന്ന് രാവിലെയാണ് ജോഡോ യാത്രയില്‍ പങ്കെടുത്തത്. രാജസ്ഥാനിലെ സവായ് മധോപൂരില്‍ നിന്ന് കോണ്‍ഗ്രസിന്റെ കാല്‍നട ജാഥ പുനരാരംഭിക്കുന്നതിനിടെ രാജനും രാഹുല്‍ ഗാന്ധിയും തമ്മില്‍ ചര്‍ച്ച ചെയ്യുന്ന ദൃശ്യം സമൂഹ മാധ്യമങ്ങളില്‍ പങ്കിട്ടു
വിദ്വേഷത്തിനെതിരെ രാജ്യത്തെ ഒന്നിപ്പിക്കാന്‍ വരുന്ന ആളുകളുടെ എണ്ണം വിജയത്തെ കാണിക്കുന്നു എന്ന് കോണ്‍ഗ്രസ് ട്വീറ്റ് ചെയ്തു.
റിപ്പബ്ലിക് ദിനത്തില്‍ കശ്മീരിലാണ് ഭാരത് ജോഡോ യാത്ര സമാപിക്കുന്നത്. ആക്ടിവിസ്റ്റ് മേധാ പട്കര്‍, നടി സ്വര ഭാസ്‌കര്‍, ബോക്‌സര്‍ വിജേന്ദര്‍ സിംഗ് എന്നിവര്‍ ഭാരത് ജോഡോ യാത്രയില്‍ പങ്കെടുത്ത വാര്‍ത്ത നേരത്തേ വന്നിരുന്നു.