വാളയാര്‍ സഹോദരിമാര്‍ ആത്മഹത്യ ചെയ്തതാണെന്ന സിബിഐ കുറ്റപത്രം തള്ളി പെണ്‍കുട്ടികളുടെ അമ്മ വാളായാര്‍ ഭാഗ്യവതി.
പെണ്‍കുട്ടികള്‍ നിരന്തരമായ ശാരീരിക പീഡനം നേരിട്ടിരുന്നെന്നും അതിനെ തുടര്‍ന്നാണ് ആത്മഹത്യ ചെയ്തതെന്നും സിബിഐ കുറ്റപത്രത്തില്‍ പറയുന്നത്.
സിബിഐയുടെ അന്വേഷണത്തില്‍ നീതി ലഭിക്കില്ലെന്നും സിബിഐ മുന്‍പുണ്ടായിരുന്ന അന്വേഷണ സംഘത്തിന്റെ തെറ്റ് തന്നെ വീണ്ടും തുടരുകയാണെന്നും പെണ്‍കുട്ടികളുടെ അമ്മ പറഞ്ഞു. കുട്ടികളെ കൊലചെയ്തതാണെന്നും അമ്മ വ്യക്തമാക്കി.
പൊലീസ് പിടികൂടിയവര്‍ തന്നെയാണ് കുറ്റവാളികളെന്ന് ആവര്‍ത്തിച്ച സിബിഐ, റിപ്പോര്‍ട്ട് പാലക്കാട് പോക്‌സോ കോടതിയില്‍ നല്‍കി. പോക്‌സോ, ബലാത്സംഗം, ആത്മഹത്യ പ്രേരണ എന്നീ വകുപ്പുകള്‍ ഉള്‍പ്പെടുത്തിയാണ് സിബിഐ കുറ്റപത്രം സമര്‍പ്പിച്ചത്.
സിബിഐ കുറ്റപത്രം അംഗീകരിക്കാന്‍ കഴിയുന്നതല്ലെന്ന് വാളയാര്‍ സമര സമിതി നേതാവ് സി.ആര്‍ നീലകണ്ഠനും വ്യക്തമാക്കി.
കുറ്റപത്രം പരിശോധിച്ച ശേഷം ഹൈക്കോടതിയെ ആശ്രയിക്കുമെന്നും അദ്ദേഹം പറഞ്ഞു.