താലിബാന്‍ മോഡല്‍ ആക്രമണമാണ് കിഴക്കമ്പലം കിറ്റക്‌സില്‍ നടന്നതെന്ന് ബെന്നി ബെഹനാന്‍ എംപി. ഇങ്ങനെയൊരു സംഭവം കേരളത്തിന്റെ ചരിത്രത്തില്‍ ആദ്യമാണെന്നും പൊലീസിനെ സംബന്ധിച്ച് ഇത് നാണക്കേടാണെന്നും ബെന്നി ബെഹനാന്‍ വ്യക്തമാക്കി.
സാബു ജേക്കബിന്റെ കിഴിലുള്ള ലേബര്‍ ക്യാംപില്‍ ലഹരി വസ്തുക്കള്‍ ആരാണ് എത്തിച്ചതെന്നതില്‍ അന്വേഷിക്കണം നടക്കണമെന്നും ക്രിമിനല്‍ സമീപനമുള്ള തൊഴിലാളികളെ മുന്‍പ് കമ്പനിയുടെ ആവശ്യത്തിനായി ഉപയോഗിച്ചിട്ടുണ്ടോ എന്ന് സാബു വ്യക്തമാക്കണമെന്നും ബെന്നി ബെഹനാന്‍ പറഞ്ഞു.
2012 ല്‍ കിറ്റെക്‌സിലെ മലിനീകരണ സമരത്തിനെതിരായി അവിടെയുള്ള തൊഴിലാളികള്‍ ആക്രമണം നടത്തിയിരുന്നുവെന്നും അതിനെതിരെ പൊലീസ് കേസ് രജിസ്ട്രര്‍ ചെയ്തിരുന്നെന്നും എംപി ഓര്‍മിപ്പിച്ചു.