മലപ്പുറത്ത് വെച്ച് നടക്കുന്ന സന്തോഷ് ട്രോഫി ഫുട്‌ബോള്‍ ടൂര്‍ണമെന്റില്‍ ആദ്യജയം പശ്ചിമബംഗാളിന്. രാവിലെ 9:30 മണിക്ക് തുടങ്ങിയ മത്സരത്തില്‍ പഞ്ചാബിനെ എതിരില്ലാത്ത ഒരു ഗോളിന് തോല്‍പ്പിച്ചാണ് പശ്ചിമബംഗാള്‍ വിജയം സ്വന്തമാക്കിയത്. അറുപത്തിയൊന്നാം മിനിറ്റില്‍ ശുഭം ഭൗമിക് ആണ് ബംഗാളിനായി ഗോള്‍ നേടിയത്.
ആതിഥേയരായ കേരളത്തിന്റെ ആദ്യ മത്സരവും ഇന്നാണ്. രാത്രി എട്ടുമണിക്ക് മഞ്ചേരി പയ്യനാട് സ്റ്റേഡിയത്തില്‍ വെച്ചാണ് മത്സരം. രാജസ്ഥാന്‍ ആണ് കേരളത്തിന്റെ എതിരാളികള്‍.