ഇന്ത്യയിലെ ബി.ബി.സി ഓഫീസുകളിൽ ആദായ നികുതി വകുപ്പ് നടത്തിയ പരിശോധന സംബന്ധിച്ച വിഷയം വിദേശകാര്യ മന്ത്രി എസ് ജയശങ്കറുമായുള്ള ചര്‍ച്ചയില്‍ ഉന്നയിച്ചതായി ബ്രിട്ടീഷ് വിദേശകാര്യമന്ത്രി ജെയിംസ് ക്ലവര്‍ലി വെളിപ്പെടുത്തി. ഇന്നലെ നടന്ന ഉഭയകക്ഷി ചർച്ചയിലാണ് വിഷയം ഉന്നയിച്ചതായി അദ്ദേഹം വെളിപ്പെടുത്തിയതെന്ന് വാർത്താ ഏജൻസികൾ റിപ്പോർട്ട് ചെയ്തു.
രാജ്യത്ത് പ്രവർത്തിക്കുന്ന എല്ലാ സ്ഥാപനങ്ങളും ഇവിടത്തെ നിയമം പാലിക്കാൻ ബാധ്യസ്ഥരാണെന്ന
മറുപടിയാണ് വിദേശകാര്യ മന്ത്രി എസ് ജയശങ്കർ അദ്ധഹത്തിന് നൽകിയതെന്നും റിപ്പോർട്ടുകൾ പറയുന്നു.ഗുജറാത്ത് കലാപവുമായി ബന്ധപ്പെട്ട ഡോക്യുമെന്ററി പുറത്തുവന്നതിന് പിന്നാലെ ന്യൂഡല്‍ഹിയിലെയും മുംബൈയിലെയും ബി.ബി.സി ഓഫീസുകളിൽ നടന്ന പരിശോധന വിമർശനങ്ങൾ ഉയർത്തിയിരുന്നു.