ഷാര്‍ജ: മാമുക്കോയയുടെ കലാ ജീവിതം ആസ്പദമാക്കി ബഷീര്‍ രണ്ടത്താണി രചിച്ച, ലിപി ബുക്‌സ് പ്രസിദ്ധീകരിച്ച ‘ചിരിയുടെ പെരുമഴക്കാലം’ ഷാര്‍ജ രാജ്യാന്തര പുസ്തക മേളയിലെ റൈറ്റേഴ്‌സ് ഫോറത്തില്‍ ഒരുക്കിയ ചടങ്ങില്‍ സംവിധായകന്‍ കമല്‍ പ്രകാശനം ചെയ്തു. മലയാളത്തിന്റെ കലാ മേഖലയ്ക്ക്, വിശേഷിച്ച് സിനിമാ മേഖലക്ക് മറക്കാനാവാത്ത വ്യക്തിത്വമാണ് മാമുക്കോയയുടേതെന്നും, അദ്ദേഹത്തിന്റെ സംഭാവനകള്‍ അതുല്യമാണെന്നും കമല്‍ പറഞ്ഞു. റീജന്‍സി ഗ്രൂപ് ചെയര്‍മാന്‍ ഷംസുദ്ദീന്‍ ബിന്‍ മുഹ്‌യുദ്ദീന്‍ പുസ്തകം ഏറ്റുവാങ്ങി. ചന്ദ്രിക എഡിറ്റര്‍ കമാല്‍ വരദൂര്‍, ലിപി അക്ബര്‍, ഇസ്മായില്‍ മൂത്തേടം ചടങ്ങില്‍ സംസാരിച്ചു.