സാവോ പോളോ: കോപ്പ അമേരിക്ക ഫുട്‌ബോളുമായി ബന്ധപ്പെട്ട് ലയണല്‍ മെസ്സി നടത്തിയ വിമര്‍ശനങ്ങള്‍ക്ക് മറുപടിയുമായി അര്‍ജന്റീനയിലെ സഹതാരം രംഗത്ത്. ബ്രസീല്‍ താരവും ബാഴ്‌സലോണയില്‍ മെസ്സിയുടെ സഹതാരവുമായി ആര്‍തര്‍ ആണ് മെസ്സിയുടെ വിമര്‍ശനങ്ങള്‍ക്ക് മറുപടിയുമായി രംഗത്ത് വന്നിരിക്കുന്നത്. ഈ കോപ്പ ബ്രസീലിന് വേണ്ടി സംഘടിപ്പിക്കപ്പെട്ടതാണ് എന്നായിരുന്നു മെസ്സിയുടെ വിമര്‍ശനം. ഇതിനാണ് ആര്‍തര്‍ മറുപടിയുമായി രംഗത്ത് വന്നിരിക്കുന്നത്.
‘അത് മെസ്സിയുടെ അഭിപ്രായമാണ്. ആ അഭിപ്രായത്തെ ഞാന്‍ ബഹുമാനിക്കുന്നു. പക്ഷേ റഫറിയിങ്ങിലെ പ്രശ്‌നത്തെ കുറിച്ച് പറയാന്‍ അര്‍ജന്റീനയോളം മികച്ച ടീം വേറെ ഇല്ല’. ആര്‍തര്‍ ചിരിച്ചുകൊണ്ടു പറഞ്ഞു. അര്‍ജന്റീനയുടെ ചരിത്രത്തിലെ വിവാദ ഗോള്‍ ഉദ്ദേശിച്ചാണ് ആര്‍തര്‍ ഇങ്ങനെ പരിഹസിച്ചത്. അന്ന് മറഡോണയുടെ ദൈവത്തിന്റെ കൈ എന്നറിയിപ്പെടുന്ന ആ ഗോള്‍ അനുവദിച്ചത് റഫറി തന്നെയായിരുന്നു.
ബ്രസീലുമായുള്ള സെമിഫൈനലിന് ശേഷം മെസ്സിയുമായി സംസാരിച്ചില്ല. അദ്ദേഹം പെട്ടെന്നുതന്നെ ഡ്രസ്സിംഗ് റൂമിലേക്ക് പോയിരുന്നു. ആര്‍തര്‍ വ്യക്തമാക്കി.