മാഡ്രിഡ്: ബാര്‍സിലോണ ഉള്‍പ്പെടെ വമ്പന്മാര്‍ ഇന്ന് കളത്തിലിറങ്ങുന്നതോടെ സ്പാനിഷ് ലാലീഗയും ആവേശത്തിലേക്ക്. ബാര്‍സ ഇന്ന് എവേ അങ്കത്തില്‍ മയോര്‍ക്കയുമായാണ് കളിക്കുന്നത്. മുന്‍ ചാമ്പ്യന്മാരായ അത്‌ലറ്റികോ മാഡ്രിഡിനാണ് ഇന്ന് കാര്യമായ വെല്ലുവിളി. സെവിയെയാണ് പ്രതിയോഗികള്‍. ഇന്നത്തെ മറ്റ് മല്‍സരങ്ങളില്‍ കാഡിസ് വില്ലാ റയലുമായും ഗെറ്റാഫേ റയല്‍ വലഡോലിഡുമായും കളിക്കും.
ജര്‍മന്‍ ബുണ്ടസ് ലീഗിലും സിരിയ എയിലും ഫ്രഞ്ച് ലീഗിലും ഇന്ന് കളിയുണ്ട്. പി.എസ്.ജിയും നൈസും തമ്മിലാണ് ഫ്രഞ്ച് ലീഗിലെ പ്രധാന മല്‍സരം. സിരിയ എ നാപ്പോളിക്കാര്‍ ടോറിനോയെ നേരിടുമ്പോള്‍ ശക്തരായ റോമ എവേ അങ്കത്തില്‍ ഇന്റര്‍ മിലാനുമായി കളിക്കുന്നു. എ.സി മിലാനും മൈതാനത്തുണ്ട്. പ്രതിയോഗികള്‍ എംപോളി. ബുണ്ടസ് ലീഗില്‍ ബൊറൂഷ്യ ഡോര്‍ട്ടുമണ്ട് എഫ്.സി കോളോണുമായി കളിക്കുമ്പോള്‍ ഐന്‍ട്രക്ട് ഫ്രാങ്ക്ഫര്‍ട്ട് എഫ്.സിയും യൂണിയന്‍ ബെര്‍ലിനുമായി നേര്‍ക്കുനേര്‍ വരും.