തിരുവനന്തപുരം: ബാര്‍കോഴ വിവാദത്തിന് ഇന്നത്തെ രാഷ്ട്രീയത്തില്‍ പ്രസക്തിയില്ലെന്ന് എല്‍ഡിഎഫ് കണ്‍വീനര്‍ എ വിജയരാഘവന്‍. വിഷയം സിപിഎം നേരത്തെ ഉന്നയിച്ചതാണ് എന്നും എന്നാല്‍ വിവാദം സൃഷ്ടിച്ചതില്‍ ഉമ്മന്‍ചാണ്ടി ഉള്‍പ്പെടെയുള്ള നേതാക്കള്‍ക്ക് പങ്കുണ്ട് എന്നും അദ്ദേഹം ആരോപിച്ചു.
ആ വിവാദം ഉണ്ടാകുന്നതില്‍ യുഡിഎഫിന് അകത്തുള്ള ആഭ്യന്തര വിഷയങ്ങളും ഒരു കാരണമായിട്ടുണ്ട്. ഇന്നത്തെ രാഷ്ട്രീയ സാഹചര്യത്തില്‍ അത് പ്രസക്തമല്ല- അദ്ദേഹം കൂട്ടിച്ചേര്‍ത്തു. നിലപാട് വ്യക്തമാക്കിയാല്‍ ജോസ് കെ മാണിയുടെ മുന്നണി പ്രവേശനം എല്‍ഡിഎഫ് ചര്‍ച്ച ചെയ്യുമെന്നും വിജയരാഘവന്‍ വ്യക്തമാക്കി.