ആറ് ദിവസം മുമ്പ് പ്രധാനമന്ത്രി നരേന്ദ്ര മോദി ഉദ്ഘാടനം ചെയ്ത കർണാടകയിലെ ബെംഗളൂരു-മൈസൂർ ഹൈവേ വെള്ളിയാഴ്ച രാത്രി രാമനഗര മേഖലയിൽ പെയ്ത കനത്ത മഴയെ തുടർന്ന് വെള്ളത്തിനടിയിലായി.8,480 കോടി രൂപ ചെലവിൽ നിർമിച്ച ഹൈവേ ബംഗളൂരുവിലെ രാമനഗര ജില്ലയ്ക്ക് സമീപമാണ് വെള്ളത്തിനടിയിലായത്. ഹൈവേയിലെ അണ്ടർ ബ്രിഡ്ജിൽ വെള്ളം കെട്ടിക്കിടന്നതിനാൽ വാഹനങ്ങൾ അപകടത്തിൽ പെട്ടു. വലിയ ഗതാഗത കുരുക്കും രൂപപ്പെട്ടു.
ദുരിതത്തിലായ ചില യാത്രക്കാർ പ്രതിഷേധം ഉയർത്തി. ഹൈവേ ഉദ്ഘാടനത്തിന് തയ്യാറായിട്ടാണോ തുറന്ന് കൊടുത്തതെന്ന ചോദ്യവുമുയർന്നു.വോട്ട് ബാങ്ക് രാഷ്ട്രീയം കൊണ്ട് കഷ്ടപ്പെടുന്നത് ജനങ്ങളാണെന്നും ചില യാത്രക്കാർ പറഞ്ഞു.മാർച്ച് 12 നാണ് പ്രധാനമന്ത്രി നരേന്ദ്ര മോദി 118 കിലോമീറ്റർ ദൈർഘ്യമുള്ള ബെംഗളൂരു-മൈസൂർ അതിവേഗ പാത ഉദ്ഘാടനം ചെയ്തത്.