തെലങ്കാനയിലെ കാമറെഡ്ഡില്‍ നവജാത ശിശുക്കളുടെ മൃതദേഹങ്ങള്‍ കണ്ടെടുത്തു. കാമറെഡ്ഡിയിലെ ബത്തുകമ്മ കുന്ത കോളനിയുടെ മധ്യഭാഗത്തുള്ള അഴുക്കുചാലിലാണ് ഏഴുദിവസം പ്രായം തോന്നിക്കുന്ന കുട്ടികളുടെ മൃതദേഹം കണ്ടെത്തിയതെന്ന് പൊലീസ് പറഞ്ഞു.
മൃതദേഹങ്ങള്‍ കാമറെഡ്ഡിയിലെ സര്‍ക്കാര്‍ ആശുപത്രിയിലേക്ക്് മാറ്റി. അഴക്കുചാലില്‍ തുണിയില്‍ പൊതിഞ്ഞ നിലയിലുണ്ടായിരുന്ന ആണ്‍കുഞ്ഞിന്റെയും, പെണ്‍കുഞ്ഞന്റെയും മൃതദേഹങ്ങള്‍ പ്രദേശവാസികളാണ് ആദ്യം കണ്ടത്. വിവരമറിഞ്ഞെത്തിയ പൊലീസ് അംഗന്‍വാടി അംഗങ്ങളെ വിളിച്ച് എല്ലാ ഗര്‍ഭിണികളുടെയും വിവരങ്ങള്‍ ശേഖരിച്ചു. അന്വേഷണം പുരോഗമിക്കുകയാണെന്ന് പൊലീസ് അറിയിച്ചു.