താനൂരില്‍ 22ഓളം പേരുടെ ജീവന്‍ അപഹരിച്ച ബോട്ടിന്റെ സ്രാങ്ക് പിടിയില്‍. ബോട്ട് ഓടിച്ചിരുന്ന ദിനേശനാണ് പിടിയിലായത്. താനൂരില്‍ വച്ചാണ് ഇയാളെ പിടികൂടിയത്. ഇതോടെ സംഭവവുമായി ബന്ധപ്പെട്ട് അറസ്റ്റിലായവരുടെ എണ്ണം അഞ്ചായി. ബോട്ടുടമ നാസര്‍, നാസറിനെ രക്ഷപ്പെടാന്‍ സഹായിച്ച സഹോദരന്‍ സലാം, മറ്റൊരു സഹോദരന്റെ മകന്‍ വാഹിദ്, സുഹൃത്ത് മുഹമ്മദ് ഷാഫി, എന്നിവരെ കഴിഞ്ഞ ദിവസം അറസ്റ്റ് ചെയ്തിരുന്നു.
ഇയാള്‍ മണല്‍കടത്ത് ഉള്‍പെടെ പല കേസുകളിലും പ്രതിയാണ്. നാസറുമൊത്ത് ആടിപ്പാടുന്ന വീഡിയോ കഴിഞ്ഞദിവസം പുറത്തുവന്നിരുന്നു.