തിരുവനന്തപുരം: മികച്ച നിയമസഭാ സാമാജികനുള്ള പുരസ്‌കാരം മുസ്ലിംലീഗ് നേതാവ് അഡ്വ. എം. ഉമ്മര്‍ എം.എല്‍.എക്ക്. കേരള കോണ്‍ഗ്രസ് നേതാവും മുന്‍മന്ത്രിയുമായ ടി.എം ജേക്കബിന്റെ സ്മരണാര്‍ഥം ടി.എം ജേക്കബ് മെമ്മോറിയല്‍ ട്രസ്റ്റ് ഏര്‍പ്പെടുത്തിയ പുരസ്‌കാരത്തിനാണ് ഉമ്മര്‍ എം.എല്‍.എ അര്‍ഹനായത്. 25,000 രൂപയാണ് പാരിതോഷികം.
മഞ്ചേരി നിയോജക മണ്ഡലത്തില്‍ നിന്നുള്ള ജനപ്രതിനിധിയാണ് എം. ഉമ്മര്‍. 25നു പത്തു മണിക്ക് പ്രസ് ക്‌ളബില്‍ നടക്കുന്ന ജേക്കബ് അനുസ്മരണ സമ്മേളനത്തില്‍ പുരസ്‌കാരം സമ്മാനിക്കും. മുന്‍മുഖ്യമന്ത്രി ഉമ്മന്‍ചാണ്ടി സമ്മേളനം ഉദ്ഘാടനം ചെയ്യും.