അയ്യൂബിൻ്റെ ഓട്ടോ കലക്ഷൻ ഇത്തവണയും സി.എച്ച്.സെൻ്ററിന്

കൂട്ടിലങ്ങാടി: സി.എച്ച്.സെന്റർ ദിനത്തിൽ മലപ്പുറം കൂട്ടിലങ്ങാടിയിലെ ഓട്ടോ ഡ്രൈവർ മാരത്തൊടി അയ്യൂബ് സി.എച്ച്.സെന്ററിന് സഹായം തേടി ഓട്ടോ ഓടിച്ച് മാതൃകയായി. KL 53 T 9699 നമ്പറിലുള്ള തൻ്റെ ഓട്ടോയിൽ “ഇന്നത്തെ കലക്ഷൻ സി.എച്ച് സെന്ററിന്” എന്ന് എഴുതിയ സ്റ്റിക്കർ പതിച്ചാണ് കാരുണ്യ യാത്രക്കാരുങ്ങി വെള്ളിയാഴ്ച രാവിലെ കൂട്ടിലങ്ങാടിയിലെ ഓട്ടോ സ്റ്റാന്റിലെത്തിയത്.

കഴിഞ്ഞ വർഷവും സി എച്ച് സെൻറർ ദിനത്തിൽ അയ്യൂബ് ഓട്ടോ ഓടിച്ച് ഫണ്ട് ശേഖരിച്ചിരുന്നു.
അശരണരും ആലംബഹീനരുമായ വേദനയനുഭവിക്കുന്ന ആയിരങ്ങളുടെ കണ്ണീരൊപ്പാൻ സി.എച്ച്.സെന്റർ നടത്തുന്ന തുല്യതയില്ലാത്ത കാരുണ്യ പ്രവർത്തനത്ത നങ്ങളിൽ പുണ്യമാസത്തിലെ ഒരു ദിനം നീക്കിവെച്ച് പങ്കാളിത്തം വഹിക്കാൻ കഴിഞ്ഞ ആത്മസംതൃപ്തിയിലാണ് യൂത്ത് ലീഗ് വൈറ്റ്ഗാർഡ് അംഗമായ അയ്യൂബ്. കാരുണ്യ യാത്രയിൽ കളക്ഷനായി ലഭിച്ച മുഴുവൻ തുകയും രാത്രിയോടെ കമ്മറ്റിക്ക് കൈമാറി.കുറുവ പഞ്ചായത്ത് മെമ്പർ കൂരി മുസ്തഫ, പഞ്ചായത്ത് മുസ്ലിം ലീഗ് സെക്രട്ടറി ഷമീർ കോപ്പിലാൻ എന്നിവർ തുക ഏറ്റുവാങ്ങി.