രണ്ടാം ഏകദിനത്തില്‍ ഇന്ത്യക്കെതിരെ ഓസ്‌ട്രേലിയക്ക് വമ്പന്‍ വിജയം. പന്തുകൊണ്ടും ബാറ്റ് കൊണ്ടും സമ്പൂര്‍ണ്ണ ആധിപത്യം പുലര്‍ത്തിയ മത്സരത്തില്‍ 10 വിക്കറ്റിനാണ് ഓസ്‌ട്രേലിയയുടെ വിജയം.
ടോസ് നഷ്ടപ്പെട്ട് ബാറ്റിംഗിന് ഇറങ്ങിയ ഇന്ത്യക്ക് ആകെ 118 റണ്‍സ് എടുക്കാനേ കഴിഞ്ഞുള്ളൂ. മറുപടി ബാറ്റിംഗിന് ഇറങ്ങിയ ഓസ്‌ട്രേലിയ 11 ഓവറില്‍ വിക്കറ്റുകള്‍ നഷ്ടപ്പെടുത്താതെ കളി അവസാനിപ്പിച്ചു. ഇതോടെ മൂന്നു മത്സരങ്ങള്‍ അടങ്ങിയ പരമ്പര 1-1 എന്ന നിലയിലായി. 23ന് ചെന്നൈയില്‍ നടക്കുന്ന മൂന്നാം ഏകദിനം ഇനി ഇരു ടീമുകള്‍ക്കും നിര്‍ണായകമാകും.