വധശ്രമക്കേസില്‍ അറസ്റ്റിലായ ഇന്‍സ്റ്റഗ്രാം റീല്‍സ് താരം മീശ വിനീത് എന്ന പേരില്‍ അറിയപ്പെടുന്ന കിളിമാനൂര്‍ വെള്ളല്ലൂര്‍ സ്വദേശി വിനീത് റിമാന്‍ഡില്‍. മടവൂര്‍ സ്വദേശി സമീര്‍ ഖാനെ ആക്രമിച്ച് തല അടിച്ചുപൊട്ടിച്ച കേസിലാണ് വിനീതിനെ റിമാന്‍ഡ് ചെയ്തത്.
കേസില്‍ കഴിഞ്ഞ ദിവസമാണ് ഇയാളെ പള്ളിക്കല്‍ പൊലീസ് അറസ്റ്റ് ചെയ്തത്. ഇയാള്‍ക്കൊപ്പമുണ്ടായിരുന്ന അഞ്ച് പേര്‍ ഒളിവിലാണ്. ഒക്ടോബര്‍ 16ന് പോങ്ങനാട് കുറിച്ചിയില്‍ ഇടറോഡില്‍ വച്ചാണ് സംഭവം. വിനീത് കേസിലെ മൂന്നാം പ്രതിയാണ്.
ഗുരുതരമായി പരിക്കേറ്റ സമീര്‍ ഖാന്‍ ആശുപത്രിയില്‍ ചികിത്സയിലാണ്. നിരവധി ക്രിമിനല്‍ കേസുകളില്‍ പ്രതിയാണ് വിനീത്. ഒന്നിലധികം സ്‌റ്റേഷനിലും വിനീതിനെതിരെ കേസുണ്ട്. കാറ്, സ്‌കൂട്ടര്‍ ഉള്‍പ്പടെ മോഷ്ടിച്ച കേസില്‍ കന്റോണ്‍മെന്റ്, കല്ലമ്പലം, നഗരൂര്‍, മംഗലപുരം സ്‌റ്റേഷനുകളിലും കേസുണ്ടായിരുന്നു.