തിരുവനന്തപുരം കിഴക്കേകോട്ടയില്‍ രണ്ടു വയസ്സുള്ള കുഞ്ഞിനെ തട്ടിക്കൊണ്ടു പോകാന്‍ ശ്രമം. മണ്ണന്തല സ്വദേശിയുടെ കുഞ്ഞിനെ തട്ടിക്കൊണ്ടു പോകാനാണ് ശ്രമിച്ചത്. അച്ഛനൊപ്പം ഉണ്ടായിരുന്ന കുഞ്ഞിനെ ബലമായി പിടിച്ചു വാങ്ങാന്‍ ശ്രമിക്കുകയായിരുന്നു.
കഴിഞ്ഞദിവസം നടന്ന സംഭവത്തില്‍ പ്രതിയായ ട്രാന്‍സ് വിമണ്‍ നീതു എന്നയാളെ ഫോര്‍ട്ട് പൊലീസ് കസ്റ്റഡിയിലെടുത്തു. പ്രതി മദ്യ ലഹരിയിലായിരുന്നുവെന്ന് പൊലീസ് പറയുന്നു.
സംഭവത്തില്‍ പ്രതിക്ക് പരിക്കേറ്റിട്ടുണ്ട്. നിലവില്‍ പ്രതി ആശുപത്രിയില്‍ പൊലീസ് നിരീക്ഷണത്തില്‍ തുടരുകയാണ്.