ഹരിയാനയില്‍ പള്ളിയില്‍ നിസ്‌കരിച്ചുകൊണ്ടിരിക്കുന്നവര്‍ക്കുനേരെ നടത്തിയ ആക്രമണത്തില്‍ ഒമ്പത് പേര്‍ക്ക് പരിക്കേറ്റു. 19 പേര്‍ക്കെതിരെ കേസെടുത്ത് പൊലീസ് അന്വേഷണം തുടങ്ങി. ഹരിയാനയിലെ സോനിപത് ജില്ലയിലെ സന്ദാല്‍ കാലാന്‍ ഗ്രാമത്തിപള്ളിയില്‍ നടന്ന ആക്രമണത്തില്‍ ഇശ്തിയാഖ് അലി, ശബീര്‍ അലി, ഫരിയാദ്, അലിതാബ് അന്‍സാര്‍ അലി സുലൈഖ, നര്‍ഗീസ്, ജരീന എന്നിവര്‍ക്ക് നേരെയാണ് ആക്രമണമുണ്ടായത്. ഗ്രാമത്തില്‍ തന്നെയുള്ള 20 ലേറെ വരുന്ന സായുധരായ സംഘം നിസ്‌കരിച്ചുകൊണ്ടിരിക്കുന്നവരെ ലാത്തികളും മുളവടികളുമുപയോഗിച്ച് ആക്രമിച്ച് പരിക്കേല്‍പ്പിക്കുകയായിരുന്നു.