മധ്യപ്രദേശില്‍ മുസ്ലിം യുവാവിന് ക്രൂരമര്‍ദ്ദനം. ഗോളിയാര്‍ സ്വദേശി മുഹസിന്‍ ഖാനെയാണ് ഒരു സംഘം ക്രൂരമായി മര്‍ദ്ദിക്കുകയും കാല് നക്കിക്കുകയും ചെയ്തത്. സംഭവത്തിന്റെ വീഡിയോ സാമൂഹ്യ മാധ്യമങ്ങള്‍ പ്രചരിച്ചതോടെ രണ്ടു പേരെ പൊലീസ് അറസ്റ്റ് ചെയ്തു.
മുഹ്സിനെ വണ്ടിക്കുള്ളില്‍ അക്രമികള്‍ ചെരുപ്പുകൊണ്ട് അടിക്കുകയും കാല് നക്കിക്കുകയും ചെയ്യുന്നതാണ് വീഡിയോയിലുള്ളത്. വീട്ടുകാരുടെ പരാതിയില്‍ പ്രതികള്‍ക്കെതിരെ നിലവില്‍ കേസെടുത്തിട്ടുണ്ട്.
മധ്യപ്രദേശില്‍ ആദിവാസി യുവാവിന്റെ മുഖത്ത് ബിജെപി നേതാവ് മൂത്രമൊഴിച്ച സംഭവത്തിന്റെ പിന്നാലെയാണ് യുവാവിനെ കൊണ്ട് കാലു നക്കിച്ചിരിക്കുന്നത്.