ഭീം ആര്‍മി പാര്‍ട്ടി മേധാവി ചന്ദ്രശേഖര്‍ ആസാദിനെ വധിക്കാന്‍ സംഘം സഞ്ചരിച്ച വാഹനം കണ്ടെത്തി. ഇന്നലെ രാത്രി മിരാഗ്പൂര്‍ ഗ്രാത്തില്‍നിന്നാണു സ്വിഫ്റ്റ് കാര്‍ കണ്ടെത്തിയത്. ഹരിയാന രജിസ്ട്രഷനിലുള്ള വാഹനമാണിതെന്നു പൊലീസ് വ്യക്തമാക്കി.
കഴിഞ്ഞ ദിവസം വൈകീട്ടാണ് ഉത്തര്‍പ്രദേശിലെ സഹരന്‍പൂരില്‍ ചന്ദ്രശേഖര്‍ ആസാദ് സഞ്ചരിച്ച വാഹനത്തിന് നേരെ വെടിവെപ്പുണ്ടായത്. ആക്രമണത്തില്‍ പരിക്കേറ്റ ആസാദിനെ ആശുപത്രിയില്‍ പ്രവേശിപ്പിച്ചിരിക്കുകയാണ്. അദ്ദേഹം അപകടനില തരണം ചെയ്തതായി ഡോക്ടര്‍മാര്‍ അറിയിച്ചിരുന്നു.
വാഹനം കണ്ടെത്തിയ വീട്ടിലെ നാലുപേരെ പൊലീസ് കസ്റ്റ്ഡിയിലെടുത്തിട്ടുണ്ട്. ഇവരെ ചോദ്യം ചെയ്താല്‍ പ്രതികളെ കുറിച്ചുള്ള കൂടുതല്‍ വിവരങ്ങള്‍ ലഭിക്കുമെന്ന് പൊലീസ് പറഞ്ഞു.