തൃശൂര്‍: നടന്‍ സുനില്‍ സുഖദയുടെ കാറിനുനേരെ നാലംഗ സംഘത്തിന്റെ ആക്രമണം. തൃശൂര്‍ കുഴിക്കാട്ടുശേരിയില്‍ വച്ചാണ് ആക്രമണം നേരിട്ടത്. രണ്ടു ബൈക്കുകളിലായെത്തിയ നാലുപേര്‍ കാറിന് നേരെ അക്രമണം നടത്തുകയായിരുന്നു. സംഭവത്തില്‍ പൊലീസ് കേസെടുത്തു.
കാറില്‍ സുനിലും സുഹൃത്തുക്കളുമാണ് ഉണ്ടായിരുന്നത്. യാത്രയ്ക്കിടെ വഴിയിലുണ്ടായിരുന്ന ബൈക്ക് യാത്രികനോട് ഒതുങ്ങിയിരിക്കാന്‍ ആവശ്യപ്പെട്ടിരുന്നു. പിന്നാലെയാണ് രണ്ടു ബൈക്കുകളിലായെത്തിയ നാലുപേര്‍ കാറിന് നേരെ അക്രമണം നടത്തിയത്.