മരുസാഗര്‍ എക്‌സ്പ്രസ് ട്രെയിനില്‍വച്ച് നടന്ന ആക്രമണത്തില്‍ പ്രതികരിച്ച് കുത്തേറ്റ യാത്രികന്‍ ദേവദാസ്. സ്ത്രീകളെ ശല്യം ചെയ്തത് ചോദ്യം ചെയ്തപ്പോഴാണ് ആക്രമണമുണ്ടായതെന്ന് ദേവദാസ് പറഞ്ഞു. ഇന്നലെ രാത്രി മരുസാഗര്‍ എക്‌സ്പ്രസ് ഷൊര്‍ണൂരില്‍ എത്തിയപ്പോഴാണ് ആക്രമണം ഉണ്ടായത്. ചില്ലുകുപ്പി ഉപയോഗിച്ചാണ് സിയാദ് ദേവദാസിനെ കുത്തിപരിക്കേല്‍പ്പിച്ചത്. ഇതിനിടയില്‍ പ്രതി സിയാദിനും പരിക്കേറ്റിട്ടുണ്ട്.
സിയാദ് മദ്യപിച്ചിരുന്നെന്നും ആര്‍പിഎഫ് വ്യക്തമാക്കി. പരപ്പനങ്ങാടി സ്വദേശിയാണ് കുത്തേറ്റ ദേവദാസ്. കുപ്പി ഉപയോഗിച്ചാണ് ദേവദാസിനെ സിയാദ് കുത്തിപരിക്കേല്‍പ്പിച്ചത്. കണ്ണിന് അടുത്തായാണ് കുത്തേറ്റത്. ആക്രമണം നടത്തിയതിന് ശേഷം പ്രതി രക്ഷപ്പെടാന്‍ ശ്രമിച്ചെങ്കലും പിടിക്കപ്പെട്ടു.