തൃശൂരിലെ എടിഎം കവര്‍ച്ചയില്‍ കേരളാ പൊലീസ് ആറു പ്രതികളുടേയും അറസ്റ്റ് രേഖപ്പെടുത്തി. പ്രതികളുമായി നാമക്കലില്‍ നിന്നു തൃശൂരിലേക്ക് പുറപ്പെട്ടു. വൈകിട്ടോടെ കോടതിയില്‍ ഹാജരാക്കി കസ്റ്റഡിയില്‍ വാങ്ങാനാണ് പൊലീസ് നീക്കം.
നാളെ പ്രതികളുമായി തെളിവെടുപ്പ് നടത്തും. പ്രതികളില്‍ ഒരാള്‍ പൊലീസുമായുള്ള ഏറ്റുമുട്ടലില്‍ കൊല്ലപ്പെട്ടിരുന്നു. തമിഴ്‌നാട്ടില്‍ നിന്നായിരുന്നു പ്രതികളെ പിടികൂടിയത്.
കഴിഞ്ഞ മാസം 27നായിരുന്നു കവര്‍ച്ച നടന്നത്. തൃശൂരിലെ മൂന്ന് എടിഎമ്മുകളില്‍ നിന്നായി 65 ലക്ഷം രൂപയാണ് സംഘം കവര്‍ന്നത്. മാപ്രാണം, കോലഴി, ഷൊര്‍ണൂര്‍ റോഡ് എന്നിവിടങ്ങളിലെ എടിഎമ്മുകളിലാണ് കവര്‍ച്ച നടന്നത്. ഗ്യാസ് കട്ടര്‍ ഉപയോഗിച്ചായിരുന്നു സംഘം കവര്‍ച്ച നടത്തിയത്.