ലഡാക്കില്‍ സൈനികര്‍ സഞ്ചരിച്ചിരുന്ന വാഹനം കൊക്കയിലേക്ക് മറിഞ്ഞ് 9 സൈനികര്‍ മരിച്ചു. ഒരാള്‍ക്ക് ഗുരുതരമായി പരിക്കേറ്റു. ലഡാക്കില്‍നിന്ന് ലേയിലേക്ക് പോകുന്നതിനിടെ ഇന്നലെ വൈകിട്ട് 4.45ഓടെയാണ് അപകടമെന്ന് സൈനിക വൃത്തങ്ങള്‍ അറിയിച്ചു.
വാഹനവ്യൂഹത്തില്‍ അഞ്ച് വാഹനങ്ങളുണ്ടായിരുന്നതായും അധികൃതര്‍ പറഞ്ഞു. രക്ഷാപ്രവര്‍ത്തനം പുരോഗമിക്കുകയാണ്. പത്ത് സൈനികര്‍ സഞ്ചരിച്ച ട്രക്ക് റോഡില്‍നിന്ന് മലയിടുക്കിലേക്ക് മറിഞ്ഞ് പുഴയില്‍ പതിക്കുകയായിരുന്നു.