തിരുവനന്തപുരം കിളിമാനൂരില്‍ സൈനികന്‍ ബൈക്കപകടത്തില്‍ മരിച്ചു. പുളിമാത്ത് സ്വദേശി ആരോമല്‍ (25)ലാണ് മരിച്ചത്. ബൈക്ക് നിയന്ത്രണം വിട്ട് മറിഞ്ഞായിരുന്നു അപകടം. ഇന്നലെ രാത്രി എട്ടുമണിയോടെയാണ് അപകടമുണ്ടായത്. നാട്ടുകാര്‍ ചേര്‍ന്ന് ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. ആരോമലിന്റെ പിതാവ് വാഹനാപകടത്തില്‍ പരിക്കേറ്റ് ചികിത്സയിലാണ്. അച്ഛനെ കാണാനാണ് ആരോമല്‍ നാട്ടിലെത്തിയത്. മഹാരാഷ്ട്ര നാസിക്കിലെ സൈനികനാണ് ആരോമല്‍. മൃതദേഹം ഇപ്പോള്‍ മെഡിക്കല്‍ കോളേജ് ആശുപത്രിയില്‍ സൂക്ഷിച്ചിരിക്കുകയാണ്. പോസ്റ്റുമോര്‍ട്ടത്തിന് ശേഷം ബന്ധുക്കളും സൈനികരും ചേര്‍ന്ന് ഏറ്റുവാങ്ങും.