അരികൊമ്പനെ പിടികൂടാൻ പുതിയ നീക്കവുമായി തമിഴ്‌നാട് വനം വകുപ്പ്.പ്രത്യേക പരിശീലനം നേടിയ അഞ്ചംഗ ആദിവാസി ആനപിടിത്ത സംഘത്തെയാണ് തമിഴ്‌നാട് വനം വകുപ്പ് നിയോഗിച്ചത്.മുതുമല കടുവാ സങ്കേതത്തിലെ മീൻ കാളൻ, ബൊമ്മൻ, സുരേഷ്, ശിവ, ശ്രീകാന്ത് എന്നിവരാണ് സംഘത്തിലുള്ളത്. വെറ്ററിനറി സർജൻ ഡോ. രാജേഷും സംഘത്തിലുണ്ടെന്ന് വനം വകുപ്പ് അറിയിച്ചു.അരിക്കൊമ്പൻ ഷണ്മുഖ നദി ഡാമിന്റെ ജല സംഭരണിക്ക് സമീപത്തേക്ക് നീങ്ങുന്നുവെന്നാണ് വിവരം . ആന സൗകര്യപ്രദമായ സ്ഥലത്തെത്തിയാൽ മയക്കുവെടിവച്ച് പിടിക്കാനാണ് വനം വകുപ്പിന്റെ തീരുമാനം .