അരിക്കൊമ്പന്‍ വിഷയത്തില്‍ ഹൈക്കോടതി വിധിക്കെതിരെ സുപ്രീംകോടതിയെ സമീപിക്കാനൊരുങ്ങി കേരള സര്‍ക്കാര്‍. തിങ്കളാഴ്ച സുപ്രീംകോടതിയില്‍ അപ്പീല്‍ നല്‍കിയേക്കും. വിഷയത്തിന്റെ സങ്കീര്‍ണതകള്‍ സുപ്രീംകോടതിയെ ധരിപ്പിച്ച് അരിക്കൊമ്പനെ പുനരധിവസിപ്പിക്കാന്‍ കൂടുതല്‍ സമയം ആവശ്യപ്പെടുമെന്ന് മന്ത്രി എ.കെ ശശീന്ദ്രന്‍ പറഞ്ഞു.
ആനയെ ഏത് സ്ഥലത്തേക്ക് മാറ്റിയാലും ജനങ്ങളുടെ എതിര്‍പ്പ് ഉണ്ടാകുമെന്ന് അപ്പീലില്‍ സര്‍ക്കാര്‍ ചൂണ്ടിക്കാട്ടും. അരിക്കൊമ്പനെ മാറ്റാന്‍ ജനവാസ മേഖലയല്ലാതെ സുരക്ഷിതമായ സ്ഥലം കണ്ടെത്താന്‍ സര്‍ക്കാരിന് ഇതുവരെയും സാധിച്ചിട്ടില്ല.