തട്ടുകടയില്‍ നിന്ന് ഭക്ഷണം കഴിച്ചതിന്റെ ബില്ല് കൊടുക്കുന്നതിനെ ചൊല്ലിയുണ്ടായ തര്‍ക്കത്തിന്റെ പേരില്‍ സുഹൃത്തുക്കള്‍ 15 കാരനെ കൊലപ്പെടുത്തി. ഉത്തര്‍പ്രദേശിലെ മഹാരഞ്ജഗഞ്ച് ജില്ലയിലെ ഗൂഗിളി ഗ്രാമത്തിലാണ് സംഭവം. മരിച്ച ചന്ദനും 3 സുഹൃത്തുക്കളും ചേര്‍ന്ന് തട്ടുകടയില്‍ ഭക്ഷണം കഴിച്ചിരുന്നു. 115 രൂപയാണ് ഇവര്‍ക്ക് ബില്ല് ലഭിച്ചത്. ഇതിനെ തുടര്‍ന്നുണ്ടായ തര്‍ക്കമാണ് കൊലപാതകത്തില്‍ എത്തിയത്.
പ്രതികള്‍ മൂന്നുപേരും ചേര്‍ന്ന് ചന്ദനെ മറ്റൊരു ഗ്രാമത്തിലേക്ക് കൊണ്ടുപോകുകയും വയലില്‍ വച്ച് കൊലപ്പെടുത്തുകയുമായിരുന്നു. മൃതദേഹം നദിയുടെ കരയില്‍ വെച്ച് രക്ഷപ്പെട്ടു. പിന്നാലെ ചന്ദന്റെ വീട്ടുകാര്‍ നല്‍കിയ പരാതിയിലാണ് മൃതദേഹം കണ്ടെത്തിയത്. പിന്നാലെ പ്രതികളെ അറസ്റ്റ് ചെയ്തു.