പാരീസില്‍ നടക്കുന്ന ഒളിംപിക്സ് ഗെയിംസിനുള്ള അര്‍ജന്റീന ഫുട്ബാള്‍ ടീം പ്രഖ്യാപിച്ചു. മൂന്ന് സീനിയര്‍ താരങ്ങളാണ് സ്‌ക്വാഡില്‍ ഇടംനേടി. സിറ്റിയുടെ യുവ താരം ഹൂലിയന്‍ അല്‍വാരസ്, നിക്കോളാസ് ഒട്ടമെന്‍ഡി, ജെറോണിമോ റുള്ളി എന്നിവരാണ് സീനിയര്‍ താരങ്ങളായി അര്‍ജന്റീന ടീമില്‍ ഉള്ളത്. പതിനെട്ട് അംഗ ഒളിംപിക്സ് സ്‌ക്വാഡിനെ പരിശീലിപ്പിക്കുന്നത് ഹാവിയര്‍ മഷറാനോയാണ്.
മാഞ്ചസ്റ്റര്‍ സിറ്റിയുടെ അല്‍വാരസും ബെന്‍ഫിക്കയുടെ ക്യാപ്റ്റന്‍ ഒട്ടമെന്‍ഡിയും ക്ലബിനും രാജ്യത്തിനായി ഈ സീസണില്‍ 50 മത്സരങ്ങള്‍ കളിച്ചിട്ടുണ്ട്. അര്‍ജന്റീനയുടെ കോപ്പ അമേരിക്കയുടെ ടീമിലുള്‍പ്പെട്ട താരമാണ് അജാക്‌സിന്റെ ജെറോണിമോ റുള്ളി. കോപ്പ അമേരിക്ക ഫൈനലിനും മുന്നേ ജൂലൈ 24 നാണ് ഒളിംപിക്‌സിലെ പുരുഷ ഫുട്‌ബോള്‍ ടൂര്‍ണമെന്റ് ആരംഭിക്കുന്നത്. ടൂര്‍ണമെന്റില്‍ മൊറോക്കോ,ഇറാഖ്, ഉക്രൈന്‍ എന്നിവരടങ്ങുന്ന ഗ്രൂപ്പിലാണ് അര്‍ജന്റീന.
ഒളിംപിക്സ് അര്‍ജന്റീന ടീം:
ഗോള്‍കീപ്പര്‍മാര്‍: ലിയാന്‍ഡ്രോ ബ്രെ (ബൊക്ക ജൂനിയേഴ്‌സ്), ജെറോണിമോ റുല്ലി (അജാക്‌സ്). ഡിഫന്‍ഡര്‍മാര്‍: മാര്‍ക്കോ ഡി സെസാരെ (റേസിംഗ് ക്ലബ്), ജൂലിയോ സോളര്‍ (ലാനസ്), ജോക്വിന്‍ ഗാര്‍സിയ (വെലെസ് സാര്‍സ്ഫീല്‍ഡ്), ഗോണ്‍സാലോ ലുജന്‍ (സാന്‍ ലോറെന്‍സോ), നിക്കോളാസ് ഒട്ടമെന്‍ഡി (ബെന്‍ഫിക്ക), ബ്രൂണോ അമിയോണ്‍ (സാന്റോസ് ലഗുണ)