പാടത്തു വിത്തു വിതയ്ക്കുന്ന വിഡിയോയുമായി നടി അനുമോള്‍. വീട്ടില്‍ നിന്നും വിത്ത് എടുത്ത് പാടത്തു വിതയ്ക്കുന്നത് മുതലുള്ള കാര്യങ്ങള്‍ വിഡിയോയിലൂടെ കാണാം. വിത്ത് മുളപ്പിച്ച് വയ്ക്കുന്നതിന്റെ പ്രത്യേകതയും അത് വേര്‍തിരിക്കുന്നതുമൊക്കെ അനുമോള്‍ വിഡിയോയിലൂടെ പറഞ്ഞു തരുന്നുണ്ട്. നിരവധി പേരാണ് നടിയെ പ്രശംസിച്ച് രംഗത്തുവരുന്നത്. സൗന്ദര്യത്തിന്റെയും ഗ്ലാമറിന്റെയും പുറകെ പോകുന്ന നടിമാര്‍ക്കിടയില്‍ അനുമോള്‍ പ്രചോദനമാണെന്ന് ആരാധകര്‍ പറയുന്നു. നടിയുടെ യുട്യൂബ് ചാനലിലൂടെയാണ് ഈ വിഡിയോ പുറത്തിറക്കിയത്.
മലയാളത്തിലെ യുവനടിമാരില്‍ വളരെ സെലക്റ്റഡ് ആയി സിനിമകള്‍ തെരഞ്ഞെടുക്കുന്ന നടിയാണ് അനുമോള്‍. 2010ല്‍ സിനിമാലോകത്തെത്തിയ താരം തമിഴിലും മലയാളത്തിലും ബംഗാളിയിലുമായി ഇതുവരെ മുപ്പതോളം സിനിമകളില്‍ അഭിനയിച്ചുകഴിഞ്ഞു.