തിരുവല്ല: തിരുവല്ലയിലെ കുറ്റപ്പുഴയില്‍ നരബലി ശ്രമത്തിനിടെ യുവതി രക്ഷപ്പെട്ടു. കുടക് സ്വദേശിയായ യുവതിയാണ് രക്ഷപ്പെട്ടത്. ഈ മാസം എട്ടാം തീയതി കുറ്റപ്പുഴയിലെ വാടക വീട്ടിലായിരുന്നു നരബലി ശ്രമം. മന്ത്രവാദത്തിനിടെ വാളെടുത്ത് ബലി നല്‍കാന്‍ ഒരുങ്ങവേ രക്ഷപ്പെട്ടോടുകയായിരുന്നു യുവതി.
രക്ഷപ്പെട്ട യുവതി സംഭവത്തെ കുറിച്ച് ഇന്നാണ് വെളിപ്പെടുത്തിയത്. തിരുവല്ല സ്വദേശിയയായ ഇടനിലക്കാരി അമ്പിളി വഴിയാണ് യുവതിയെ കുറ്റപ്പുഴയിലെ വീട്ടിലെത്തിച്ചത്. യുവതി പൊലീസില്‍ മൊഴി നല്‍കിയ അടിസ്ഥാനത്തില്‍ തിരുവല്ല പൊലീസ് എ.ഡി.ജി.പിക്ക് റിപ്പോര്‍ട്ട് നല്‍കി.