തിരുവനന്തപുരം: മുതലപ്പൊഴിയില്‍ മത്സ്യബന്ധന വള്ളം മറിഞ്ഞ് മത്സ്യത്തൊഴിലാളിക്ക് പരിക്ക്. ചിറയന്‍കീഴ് സ്വദേശിയായ ഷിബു (48) ആണ് അപകടത്തില്‍പ്പെട്ടത്. മുഖത്തും കാലിലും പരിക്കേറ്റ ഷിബുവിനെ ചിറയന്‍കീഴ് താലൂക്ക് ആശുപത്രിയില്‍ പ്രവേശിപ്പിച്ചു.
ഇന്ന് രാവിലെയാണ് ഹോളി സ്പിരിറ്റ് എന്ന വള്ളം ശക്തമായ തിരയില്‍പ്പെട്ട് മറിഞ്ഞത്. രണ്ടു പേരാണ് വള്ളത്തില്‍ ഉണ്ടായിരുന്നത്. മറ്റൊരു മത്സ്യത്തൊഴിലാളിയായ ഫെബിന്‍ നീന്തി രക്ഷപ്പെട്ടു. അപകടത്തില്‍പ്പെട്ട ഷിബുവിനെ മറൈന്‍ എന്‍ഫോഴ്‌സ്‌മെന്റാണ് രക്ഷിച്ച് കരക്കെത്തിച്ചത്.