ഹൈദരാബാദ്: ആന്ധ്രാപ്രദേശിലെ ബി.ജെ.പി അധ്യക്ഷനും വിശാഖപട്ടണം എം.പിയുമായ കെ.ഹരിബാബു രാജിവെച്ചു. രാജിക്കത്ത് ബി.ജെ.പി ദേശീയ അധ്യക്ഷന്‍ അമിത് ഷാക്ക് ഹരിബാബു അയച്ചു.
ആന്ധ്രാപ്രദേശിന് പ്രത്യേക പദവി നല്‍കാത്തതില്‍ പ്രതിഷേധിച്ച് ബി.ജെ.പിക്കെതിരെ പ്രതിഷേധം ശക്തമാക്കുന്നതിനിടെയാണ് ഹരിബാബുവിന്റെ രാജി.
ടി.ഡി.പി എന്‍.ഡി.എ സഖ്യംവിട്ട പശ്ചാത്തലത്തില്‍ പാര്‍ട്ടി സംസ്ഥാന ഘടകത്തില്‍ ഉടന്‍ അഴിച്ചുപണിയുണ്ടായേക്കുമെന്നാണ് വിവരം. സോമുവീരരാജു, മുന്‍മന്ത്രി പി മാണിക്യാല റാവു, കണ്ണ ലക്ഷ്മി നാരായണ, യു.പി.എ സര്‍ക്കാരില്‍ മന്ത്രിയായിരുന്ന ഡി.പുരന്ദരേശ്വരി എന്നിവരില്‍ ആരെങ്കിലും ബി.ജെ.പിയുടെ അടുത്ത സംസ്ഥാന അധ്യക്ഷനാകുമെന്നാണ് റിപ്പോര്‍ട്ട്. കപു സമുദായത്തില്‍ നിന്നുള്ള വീരരാജുവിനും മാണിക്യാല റാവുവിനുമാണ് അധ്യക്ഷ പദവിയിലേക്ക് സാധ്യത കൂടുതല്‍.
ആന്ധ്രാപ്രദേശ് ബി.ജെ.പി അധ്യക്ഷന്‍ രാജിവെച്ചു
Tags: BJP ANDHRAPRADESH