മഞ്ചേരി തുറക്കല്‍ ബാപ്പുട്ടി ബൈപാസില്‍ നിയന്ത്രണംവിട്ട കാര്‍ തോട്ടിലേക്ക് മറിഞ്ഞ് അപകടം. ഇന്ത്യൻ ഓയില്‍ പെട്രോള്‍ പമ്പിന് എതിര്‍വശത്തുള്ള തോട്ടിലേക്കാണ് കാര്‍ മറിഞ്ഞത്.
വീട്ടമ്മ ഓടിച്ച കാർ പെട്രോള്‍ പമ്പില്‍ നിന്നും റോഡിലേക്ക് കയറിയ ഇരുചക്ര വാഹനത്തെ ഇടിക്കാതിരിക്കാൻ പെട്ടെന്ന് വെട്ടിച്ചെടുക്കുന്നതില്‍ നിയന്ത്രണംവിട്ട കാര്‍ തോട്ടിലേക്ക് മറിയുകയായിരുന്നു. ഓടികൂടിയ നാട്ടുകാര്‍ ഡ്രൈവറെ പുറത്തെത്തിച്ചു. ഡോറിന്‍റെ ചില്ല് തകര്‍ത്താണ് ഡ്രൈവറെ രക്ഷപ്പെടുത്തിയത്. യാത്രക്കാര്‍ പരിക്കേല്‍ക്കാതെ രക്ഷപ്പെട്ടു. കാറിന്‍റെ മുൻഭാഗം തകര്‍ന്നു.