പൊട്രോള്‍ പമ്പിലെ ക്യുആര്‍ കോഡ് മാറ്റി ഒട്ടിച്ച് പണം തട്ടിയ സംഭവത്തില്‍ യുവാവ് അറസ്റ്റില്‍. മിസോറാമിലെ ഐസ്വാളിലാണ് സംഭവം. പമ്പിലെത്തിയ യുവാവ് പണം തന്റെ അക്കൗണ്ടിലേക്ക് തന്നെ വരുന്ന രീതിയില്‍ ക്യുആര്‍ കോഡ് മാറ്റി ഒട്ടിക്കുകയായിരുന്നു. ട്രഷറി സ്‌ക്വയറിലെ മിസോഫെഡ് പെട്രോള്‍ പമ്പ് മാനേജര്‍ പൊലീസില്‍ പരാതി നല്‍കി. പെട്രോള്‍ പമ്പ് മാനേജറുടെ പരാതിയുടെ അടിസ്ഥാനത്തില്‍ 23കാരനായ യുവാവിനെ പൊലീസ് അറസ്റ്റ് ചെയ്തു.
ശനിയാഴ്ച വൈകുന്നേരം മൂന്ന് മണിയോടെ യുവാവ് പൊട്രോള്‍ പമ്പിലെത്തിയതെന്ന് പറയുന്നു. 2,315 രൂപയാണ് ഇയാള്‍ ക്യുആര്‍ കോഡ് വഴി കൈക്കാലാക്കിയത്. ഇതില്‍ 890 രൂപ പൊട്രോള്‍ അടിച്ച ഒരാള്‍ക്ക് തിരികെ നല്‍കിയതായി പൊലീസ് പറഞ്ഞു. ബാക്കിയുണ്ടായിരുന്ന 1,425 രൂപ ചെലവാക്കിയതായും ചോദ്യം ചെയ്യലില്‍ ഇയാള്‍ സമ്മതിച്ചു.