തിരൂരങ്ങാടിയിലെ വടക്കെ മമ്പുറത്ത് നിന്നും ഒരു മാസത്തോളമായി പിതാവ് തട്ടിക്കൊണ്ടുപോയ ഒരു വയസ്സായ കുട്ടിയെ കൊല്‍ക്കത്തയില്‍ നിന്നും കണ്ടെത്തിയതായി പൊലീസ് അറിയിച്ചു.
പിതാവ് വെളിമുക്ക് പടിക്കല്‍ സ്വദേശി ആലിങ്ങല്‍തൊടി മുഹമ്മദ് സഫീറിനെയും കാമുകി കല്‍ക്കത്ത സ്വദേശിനി സഞ്ചിത ചാറ്റര്‍ജിയേയും ഒരു വയസ്സായ കുട്ടി ഇനായ മെഹറിനെയും കൊണ്ട് പൊലീസ് സംഘം നാട്ടിലേക്ക് തിരിച്ചതായി പൊലീസ് അറിയിച്ചു.
കുട്ടിയെ പിതാവ് തട്ടിക്കൊണ്ട് പോയ സംഭവത്തില്‍ മുഖ്യമന്ത്രിക്കും മലപ്പുറം ജില്ലാ പോലീസ് സൂപ്രണ്ടിനും ദേശീയ മനുഷ്യാവകാശ സംഘടനയായ എന്‍. എഫ്. പി .ആര്‍. സംസ്ഥാന വൈസ് പ്രസിഡണ്ട് മനാഫ് താനൂര്‍ പരാതി നല്‍കിയിരുന്നു .ഇതിനെ തുടര്‍ന്നാണ് പൊലീസ് വിവരങ്ങള്‍ നല്‍കിയത്. അന്വേഷണം അല്പം വൈകിയാണെങ്കിലും കുറ്റവാളികളെ കണ്ടെത്തിയതില്‍ കേരള പൊലീസിന് എന്‍.എഫ്.പി.ആര്‍.നന്ദി അറിയിച്ചു.