സലാല: പെരുന്നാള്‍ ആഘോഷിക്കാന്‍ സലാലയിലെത്തിയ പ്രവാസി മുങ്ങിമരിച്ചു.തൃശ്ശൂര്‍ കരൂപടന്ന സ്വദേശി ചാണേലി പറമ്പില്‍ സാദിഖ് (29) ആണ് സലാലയിലെ വാദി ദര്‍ബാത്തില്‍ മുങ്ങി മരിച്ചത്. ദുബൈയില്‍ നിന്ന് അവധി ആഘോഷിക്കാനായി സലാലയില്‍ എത്തിയതായിരുന്നു. വെള്ളിയാഴ്ച രാവിലെ പത്തരക്കാണ് അപകടം. വാദി ദര്‍ബാത്തില്‍ നീന്താന്‍ ശ്രമിക്കവെ ചെളിയില്‍ പൂണ്ട് പോവുകയായിരുന്നു.
സിവില്‍ ഡിഫന്‍സ് ഉടന്‍ സ്ഥലത്തെത്തി കരക്ക് കയറ്റിയെങ്കിലും രക്ഷിക്കാനായില്ല.സുല്‍ത്താന്‍ ഖാബൂസ് ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന ഭൗതിക ശരീരം തുടര്‍ നടപടികള്‍ പൂര്‍ത്തിയാക്കി നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവര്‍ അറിയിച്ചു. ജബല്‍ അലിയിലെ കാര്‍ഗോ കമ്പനിയില്‍ ജോലി ചെയ്ത് വരികയായിരുന്ന സാദിഖ് അബൂദാബിയിലുള്ള ബന്ധുക്കളോടൊപ്പമാണ് സലാലയിലെത്തിയത്.