പൂക്കയില്‍ സ്‌കൂളില്‍ നിന്ന് വിദ്യാര്‍ത്ഥിയെ വിളിച്ച് മടങ്ങുകയായിരുന്ന യുവതി സഞ്ചരിച്ചിരുന്ന ഇലക്ട്രിക് സ്കൂട്ടർ തീ കത്തി നശിച്ചു. തിരൂർ ബെഞ്ച് മാർക്ക് സ്കൂളിൽ നിന്നും വിദ്യാർത്ഥിയുമായി വരികയായിരുന്ന ഒഴൂർ സ്വദേശിയായ യുവതി സഞ്ചരിച്ച ഹീറോ കമ്പനിയുടെ ഇലക്ട്രിക് സ്കൂട്ടർ ആണ് കത്തി നശിച്ചത്.
തിരൂരിൽ നിന്നും ഒഴൂരിലേക്ക് പോകുന്ന വഴി പൂക്കയിലെത്തിയപ്പോൾ പുറകിൽ നിന്നും പുകയുയരുന്നത് കണ്ട ആളുകൾ യുവതിയുടെ ശ്രദ്ധയിൽപ്പെടുത്തിയപ്പോൾ ഉടനെ തന്നെ സ്കൂട്ടർ നിർത്തിയത് കൊണ്ട് അപകടമില്ലാതെ രക്ഷപ്പെട്ടു. ആദ്യം നാട്ടുകാരും പിന്നീട് ഫയർഫോഴ്സും എത്തിയാണ് തീ അണച്ചത്.