![](data:image/svg+xml;charset=utf-8,<svg height="555px" width="740px" xmlns="http://www.w3.org/2000/svg" version="1.1"/>)
കണ്ണൂരില്‍ മെഡിക്കല്‍ ഷോപ്പില്‍ നിന്നും മാറി നല്‍കിയ മരുന്ന് കഴിച്ച് എട്ട് മാസം പ്രായമായ കുഞ്ഞ് ഗുരുതരാവസ്ഥയിലായതായി പരാതി. കണ്ണൂര്‍ പഴയങ്ങാടിയിലെ മെഡിക്കല്‍ ഷോപ്പില്‍ നിന്നാണ് മരുന്ന് മാറി നല്‍കിയത്. മെഡിക്കല്‍ ഷോപ്പിനെതിരെ കുട്ടിയുടെ ബന്ധു നല്‍കിയ പരാതിയില്‍ പൊലീസ് കേസെടുത്തു. ഡോക്ടര്‍ കുറിച്ച് നല്‍കിയ മരുന്നിന് പകരം മറ്റൊരു മരുന്ന് അമിത ഡോസില്‍ നല്‍കിയെന്നാണ് വിവരം.
കുട്ടിയുടെ കരളിന്‍ രോഗം ബാധിച്ച് ഗുരുതരാവസ്ഥയില്‍ ചികിത്സയിലാണ്.പരാതിക്കാരന്റെ സഹോദരന്‍ സമീറിന്റെ എട്ട് മാസം പ്രായമുള്ള കുഞ്ഞിന്റെ ആരോഗ്യനിലയാണ് മോശമായത്. മാര്‍ച്ച് 8 നാണ് പനിയെ തുടര്‍ന്ന് കുഞ്ഞ് ചികിത്സ തേടിയത്. കണ്ണൂര്‍ കദീജ മെഡിക്കല്‍സിനെതിരെയാണ് കേസെടുത്തത്.
