നെടുമ്പാശ്ശേരിയില്‍ സ്വര്‍ണം കടത്തിക്കൊണ്ടുവന്ന യുവതിയെ തട്ടിക്കൊണ്ടു പോകാന്‍ ശ്രമം. സംഭവത്തില്‍ നാലംഗ സംഘത്തെ പൊലീസിന്റെ പ്രത്യേക സ്‌ക്വാഡ് പിടികൂടി. കോട്ടയം സ്വദേശിയായ രജനി എന്ന യുവതിയെയാണ് തട്ടിക്കൊണ്ടുപോകാന്‍ ശ്രമിച്ചത്.
വ്യാഴാഴ്ച മൂന്നുമണിയോടെയാണ് സംഭവം. ദുബൈയില്‍ നിന്ന് സ്വര്‍ണം കടത്തിക്കൊണ്ടുവന്ന യുവതിയും പൊലീസിന്റെ പിടിയിലായിട്ടുണ്ട്. രഹസ്യവിവരത്തെത്തുടര്‍ന്ന് പൊലീസ് അന്വേഷണം നടത്തിയപ്പോഴാണ് നാലംഗ സംഘം പിടിയിലായത്.
പിടിയിലായവരില്‍ 3 പേര്‍ തൃശ്ശൂര്‍ സ്വദേശികളും ഒരാള്‍ പാലക്കാട് സ്വദേശിയുമാണ്. സ്വര്‍ണം കൈപ്പറ്റാന്‍ എത്തിയ ആളും പിടിയിലായതാണ് സൂചന. ഇവരെ രഹസ്യകേന്ദ്രത്തിലെത്തിച്ച് ചോദ്യം ചെയ്തുവരികയാണെന്നാണ് വിവരം