അമേരിക്കന്‍ പ്രസിഡന്റ് ജോ ബൈഡന് സ്‌കിന്‍ കാന്‍സര്‍ ഉള്ളതായി കണ്ടെത്തുകയും, ഇപ്പോള്‍ രോഗം സുഖപ്പെട്ടിട്ടുണ്ടെന്നും വൈറ്റ് ഹൗസ്. സാധാരണയായി നടത്താറുള്ള പരിശോധനയിലാണ് അസുഖം കണ്ടെത്തിയത്. പിന്നീട് കാന്‍സര്‍ ബാധിച്ച കോശങ്ങള്‍ നീക്കം ചെയ്യുകയായിരുന്നു.
പ്രസിഡന്റിന് വന്നത് സാധാരണ സ്‌കിന്‍ കാന്‍സറായിരുന്നെന്നും കൂടുതല്‍ ചികിത്സ ആവശ്യമില്ലെന്നും വൈറ്റ് ഹൗസ് ഫിസിഷ്യന്‍ കെവിന്‍ ഒ കോണര്‍ അറിയിച്ചു. എന്നാല്‍ ഡെര്‍മറ്റോളജിക്കല്‍ നിരീക്ഷണം തുടര്‍ന്നും ഉണ്ടാകും.