കോഴിക്കോട്: കണ്ണൂരില്‍ സിപിഎമ്മിന്റെ പതനം സംഭവിക്കുകയാണെന്ന് മുസ്‌ലിം ലീഗ് നേതാവ് കെ എം ഷാജി. ബംഗാളില്‍ സിപിഎമ്മിന് സംഭവിച്ചതാണ് കണ്ണൂരിലും നടക്കുന്നത്. സിപിഎം കേഡറുകള്‍ ആത്മ പരിശോധന നടത്തണം. സിപിഐമ്മിന്റെ മരണം അനിവാര്യമാണെന്നും കെ എം ഷാജി പറഞ്ഞു.
സിപിഎം കണ്ണൂര്‍ മുന്‍ ജില്ലാ കമ്മിറ്റി അംഗം മനുവിന്റെ വെളിപ്പെടുത്തലോടെ പി ജയരാജനും വിശുദ്ധനല്ലായെന്ന് തെളിഞ്ഞു. സിപിഎം എന്ന കപ്പല്‍ മുങ്ങാന്‍ പോകുന്നു എന്നതിന്റെ തെളിവാണ് പി ജയരാജനെതിരായ ആരോപണങ്ങള്‍ എന്നും കെ.എം ഷാജി വിമര്‍ശിച്ചു. മനുവിന്റെ ധൈര്യത്തെ അഭിനന്ദിക്കണമെന്നും കെ.എം ഷാജി പ്രതികരിച്ചു.