പത്തനംതിട്ട പന്തളം ബി.ജെ.പി കൗണ്‍സിലര്‍ക്കെതിരെ കൈക്കൂലി ആരോപണം. ബിജെപി കൗണ്‍സിലര്‍ സൗമ്യ സന്തോഷ് പട്ടികജാതി കുടുംബത്തിന്റെ പക്കല്‍ നിന്ന് 35000 രൂപ കൈക്കൂലി വാങ്ങിയെന്നാണ് ആരോപണം.
സര്‍ക്കാര്‍ ഫണ്ട് ഉപയോഗിച്ച് ഭവന പദ്ധതിക്കായി സ്ഥലം വാങ്ങിയതിന്റെ പേരില്‍ പണം കൈപ്പറ്റി എന്നാണ് ആരോപണം. കോണ്‍ഗ്രസ് കൗണ്‍സിലര്‍ കെ.ആര്‍ വിജയകുമാറാണ് സൗമ്യയ്‌ക്കെതിരെ ഗുരുതര ആരോപണവുമായി രംഗത്തെത്തിയത്.
എന്നാല്‍ വനിതാ കൗണ്‍സിലര്‍ സൗമ്യ സന്തോഷ് ആരോപണം നിഷേധിച്ചു. വിഷയത്തില്‍ പ്രത്യക്ഷ സമരത്തിന് ഒരുങ്ങിയിരിക്കുകയാണ് കോണ്‍ഗ്രസും, സി.പി.എമ്മും.