ലക്‌നോ: ഉത്തര്‍പ്രദേശ് പൊലീസ് അന്യായമായി ജയിലിലടച്ച മലയാളി മാധ്യമപ്രവര്‍ത്തകന്‍ സിദ്ദീഖ് കാപ്പന് ജാമ്യം നിഷേധിച്ച് അലഹബാദ് ഹൈക്കോടതി. ജസ്റ്റിസ് കൃഷ്ണ പഹല്‍ അടങ്ങിയ ബെഞ്ചാണ് കാപ്പന്റെ ജാമ്യാപേക്ഷ തള്ളിയത്. ഹര്‍ജിയില്‍ ഇന്നലെ വാദം പൂര്‍ത്തിയായെങ്കിലും വിധി പറയാന്‍ ഇന്നത്തേക്ക് മാറ്റുകയായിരുന്നു.
മുതിര്‍ന്ന അഭിഭാഷകരായ ഐ.ബി സിങ്, ഇഷാന്‍ ഭഗല്‍ എന്നിവരാണ് കാപ്പന് വേണ്ടി കോടതിയില്‍ ഹാജരായത്. ജാമ്യം നിഷേധിച്ചതോടെ സിദ്ദീഖ് കാപ്പന് സുപ്രീംകോടതിയെ സമീപിക്കും.