ചേളാരി: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് പൊതുപരീക്ഷ മാര്‍ച്ച് 11,12 ന് വിദേശങ്ങളിലും 12,13 ന് ഇന്ത്യയിലും നടക്കും. 2,61,333 ലക്ഷം കുട്ടികളാണ് ഈ വര്‍ഷം പൊതുപരീക്ഷക്ക് രജിസ്തര്‍ ചെയ്തിട്ടുള്ളത്.
വിദേശങ്ങളില്‍ ഓണ്‍ലൈന്‍ ആയാണ് പരീക്ഷ. അഞ്ച്, ഏഴ്, പത്ത്, പ്ലസ്ടു ക്ലാസുകളിലാണ് സമസ്ത പൊതുപരീക്ഷ നടത്തുന്നത്. ഇന്ത്യയിലും വിദേശത്തുമായി 7,452 സെന്ററുകള്‍ പരീക്ഷക്ക് വേണ്ടി സജ്ജീകരിച്ചിട്ടുണ്ട്. 133 സൂപ്രണ്ടുമാരെയും 10,937 സൂപ്രവൈസര്‍മാരെയും പരീക്ഷ ഡ്യൂട്ടിക്ക് നിയോഗിച്ചിട്ടുണ്ട്. സൂപ്രണ്ടുമാര്‍ക്കുള്ള ഓറിയന്റേഷന്‍ ക്ലാസ് നാളെ രാവിലെ 8 മണിക്ക് ചേളാരി മുഅല്ലിം ഓഡിറ്റോറിയത്തില്‍ നടക്കും.