അജ്മാന്‍: അപകടകരമായ വിധം ഓവര്‍ടേക്ക് ചെയ്യുന്നവര്‍ക്ക് കടുത്ത മുന്നറിയിപ്പുമായി അജ്മാന്‍ പൊലീസ്.ഇടത് വശത്തുകൂടിയും അപകടകരമായ വിധത്തിലും വാഹനങ്ങളെ മറികടക്കുന്നവര്‍ക്ക് 600 ദിര്‍ഹം പിഴ ഈടാക്കുകയും ലൈസന്‍സില്‍ ആറ് ബ്ലാക്ക് പോയിന്റ് രേഖപ്പെടുത്തുകയും ചെയ്യുമെന്ന് അജ്മാന്‍ ട്രാഫിക് പൊലീസ് ഡയറക്ടര്‍ അബ്ദുല്ല അല്‍ഫലാസി വ്യക്തമാക്കി.
അപകടങ്ങള്‍ ഇല്ലാതാക്കുന്നതിന് സുരക്ഷിതമായ വിധം വാഹനമോടിക്കല്‍ അനിവാര്യമാണെന്ന് അദ്ദേഹം പറഞ്ഞു. അപകടകരമായ വിധം ഓവര്‍ടേക്ക് ചെയ്യുന്ന ട്രക്ക് ഡ്രൈവര്‍മാര്‍ക്ക 3000 ദിര്‍ഹം പിഴ ചുമത്തും. കൂടാതെ ഒരുവര്‍ഷത്തേക്ക് ഡ്രൈവിംഗ് ലൈസന്‍സ് റദ്ദാക്കുകയും ബ്ലാക്ക് പോയിന്റ് രേഖപ്പെടുത്തുകയും ചെയ്യുമെന്ന് അബ്ദുല്ല അല്‍ഫലാസി പറഞ്ഞു.
ഗതാഗത നിയമങ്ങള്‍ പൂര്‍ണ്ണമായും പാലിക്കാനും സൂക്ഷ്തമയോടെ വാഹനമോടിക്കാനും എല്ലാവരും ശ്രദ്ധിക്കണമെന്ന് അജ്മാന്‍ ട്രാഫിക് പൊലീസ് മേഥാവി പറഞ്ഞു.