അജിത് കുമാർ തന്റെ സ്വന്തം മോട്ടോർസൈക്കിൾ ടൂറിംഗ് കമ്പനിയായ “എകെ മോട്ടോ റൈഡ്” ആരംഭിക്കുന്നതായി പ്രഖ്യാപിച്ചു. എകെ മോട്ടോ റൈഡ് റൈഡർമാർക്കും സാഹസികർക്കും യാത്രക്കാർക്കും ഇന്ത്യയുടെ മനോഹരമായ പ്രകൃതിദൃശ്യങ്ങളും വ്യതിരിക്തമായ അന്താരാഷ്ട്ര റോഡ്‌വേകളും സന്ദർശിക്കാനുള്ള യാത്രകൾ പ്രധാനം ചെയ്യുമെന്ന് അദ്ദേഹം അറിയിച്ചു. മോട്ടോര്‍സൈക്കിളുകളോടും യാത്രകളോടും എനിക്കുള്ള അഭിനിവേശത്തെ എകെ മോട്ടോ റൈഡ് എന്ന മോട്ടോര്‍സൈക്കിള്‍ ടൂറിംഗ് കമ്പനിയുടെ രൂപത്തില്‍ പ്രൊഫഷണല്‍ ആയ ഒരു പ്രസ്ഥാനത്തിലേക്ക് ഞാന്‍ കൊണ്ടുവരികയാണെന്നാണ് അജിത് കുമാർ ഔദ്യോഗിക പത്രക്കുറിപ്പിലൂടെ അറിയിച്ചിരിക്കുന്നത്.
റൈഡേഴ്സിനും സാഹസികത ഇഷ്ടപ്പെടുന്നവര്‍ക്കും സഞ്ചാരികള്‍ക്കും ഇന്ത്യയിലും വിദേശത്തുമായുള്ള യാത്രകളാണ് എകെ മോട്ടോ റൈഡ് വാഗ്‍ദാനം ചെയ്യുന്നത്. സുരക്ഷിതമായ യാത്രക്ക് അഡ്വഞ്ചര്‍ ടൂറിംഗ് സൂപ്പര്‍ബൈക്കുകള്‍ എകെ മോട്ടോ റൈഡ് ലഭ്യമാക്കും. യാത്രകള്‍ക്കിടെ അവയുടെ പരിരക്ഷയും ഉറപ്പാക്കും. ബൈക്ക് ടൂറിംഗിനെക്കുറിച്ചും പ്രാദേശിക സംസ്കാരങ്ങളെക്കുറിച്ചും മികച്ച ധാരണയുള്ള പ്രൊഫഷണല്‍ ഗൈഡുകള്‍ തുടക്കം മുതല്‍ ഒടുക്കം വരെ ഈ യാത്രകള്‍ അവിസ്മരണീയമാക്കുമെന്നും .അജിത് കുമാർ പത്ര കുറിപ്പിൽ വ്യക്തമാക്കി.