മുന്‍ എംഎല്‍എയും യൂത്ത് കോണ്‍ഗ്രസ് സംസ്ഥാന അധ്യക്ഷനുമായ കെ എസ് ശബരിനാഥന്‍ അറസ്റ്റില്‍. വിമാനയാത്രയ്ക്കിടെ മുഖ്യമന്ത്രിക്കെതിരെ യൂത്ത് കോണ്‍ഗ്രസ് പ്രവര്‍ത്തകര്‍ പ്രതിഷേധിച്ച സംഭവത്തിലാണ് അറസ്റ്റ് രേഖപ്പെടുത്തിയിരിക്കുന്നത്.
അറസ്റ്റ് ചെയ്തതായി പോലീസ് അറിയിച്ചത് കോടതി മുന്‍കൂര്‍ ജാമ്യപേക്ഷ പരിഗണിക്കുന്നതിനിടെയാണ്. ചോദ്യം ചെയ്യലിന് ഹാജരാകാന്‍ ശങ്കുമുഖം അസിസ്റ്റന്റ് കമ്മീഷണര്‍ ഇന്നലെയാണ് നോട്ടീസ് നല്‍കിയിരുന്നത്.മുന്‍കൂര്‍ ജാമ്യാപേക്ഷ തീര്‍പ്പാക്കുന്നത് വരെ അറസ്റ്റ് ചെയ്യരുതെന്ന് കോടതി ഉത്തരവിട്ടത് പിന്നാലെയാണ് സര്‍ക്കാര്‍ അഭിഭാഷകന്‍ അറസ്റ്റ് വിവരം പുറത്തുവിട്ടത്. ഇതിനുപിന്നാലെ അറസ്റ്റ് ചെയ്ത് സമയം അടക്കമുള്ള രേഖകള്‍ ഉടന്‍ ഹാജരാക്കണമെന്നും കോടതി നിര്‍ദേശിച്ചു.
വിമാനത്തിലെ പ്രതിഷേധത്തിന് യൂത്ത് കോണ്‍ഗ്രസുകാര്‍ക്ക് നിര്‍ദ്ദേശം നല്‍കുന്ന വിധത്തില്‍ ശബരീനാഥനന്റെതെന്ന വിധത്തില്‍ വാട്‌സാപ്പില്‍ പങ്കുവച്ച സന്ദേശം നേരത്തെ പുറത്തുവന്നിരുന്നു. ഇതിന്റെ അടിസ്ഥാനത്തിലാണ് പോലീസ് ചോദ്യം ചെയ്യാന്‍ വിളിപ്പിച്ചത്.