യാത്രയ്ക്കിടെ ആകാശ ചുഴിയിൽ പെട്ട് ഡല്ഹി-സിഡ്നി എയര് ഇന്ത്യാവിമാനം ശക്തമായി ആടിയുലഞ്ഞു. ഏഴ് യാത്രക്കാർക്ക് പരിക്കേറ്റു. ഡൽഹിയിൽ നിന്ന് സിഡ്നിയിലേക്ക് പറന്ന എയർ ഇന്ത്യയുടെ B787-800 വിമാനത്തിലെ യാത്രക്കാർക്കാണ് പരിക്കേറ്റത്. ബുധനാഴ്ചയായിരുന്നു സംഭവമെന്ന് ദേശീയ മാധ്യമങ്ങൾ റിപ്പോർട്ട് ചെയ്തു. പരിക്കേറ്റവർക്ക് ഉടൻ തന്നെ ക്യാബിൻ ക്രൂ പ്രഥമ ശുശ്രൂഷ നൽകി. ഡി.ജി.സി.എ. അന്വേഷണം പ്രഖ്യാപിച്ചു.